Sud Centralnaha rajona Minska ŭ aŭtorak abviaściŭ prysud Viačasłavu Davydaviču, byłomu kiraŭniku MDHA «U dapamohu dzieciam-sirotam».

Davydovič pryznany vinavatym pa č. 2 art. 233 Kryminalnaha kodeksa («pradprymalnickaja dziejnaść biez rehistracyi z atrymańniem prybytku ŭ asabliva bujnym pamiery» ) i prysudžany da pazbaŭleńnia voli na 4 hady ŭ kałonii ahulnaha režymu z pazbaŭleńniem prava zajmacca pradprymalnickaj dziejnaściu na praciahu 5 hadoŭ.

Sud pastanaviŭ spahnać u biudžet 966 miljonaŭ rubloŭ škody.

U košt pahašeńnia doŭhu buduć źviernutyja 2 mabilnyja telefony, plita, dva televizary, pasudamyjnaja mašyna, płanšet, hrašovyja srodki na rachunkach asudžanaha, aryštavany aŭtamabil VAZ -2107.

Hihancki katedž ahulnaj płoščaj bolš za 1700 m2 nie kanfiskavany, bo letaś Davydovič padaryŭ jaho synu.

TUT.BY taksama pravioŭ rasśledavańnie, sprabujučy razabracca, čamu ŭ zatrymańni Davydaviča prymali ŭdzieł supracoŭniki ŭpraŭleńnia pa narkakantroli i supraćdziejańni handlu ludźmi MUS. Jak vyjaviłasia, były kiraŭnik dabračynnaha abjadnańnia źviazany ź fihurantami hučnaj «spravy piedafiłaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?