Lidar apazicyjnaj partyi UDAR Vital Kličko nazvaŭ umovaj svajho ŭdziełu ŭ teledebatach z prezidentam Ukrainy Viktaram Janukovičam jaho adstaŭku. Pra heta Kličko 11 lutaha napisaŭ na svajoj staroncy ŭ Facebook, paviedamlaje Lenta.ru.

Pa słovach Kličko, jon hatovy pryniać udzieł u debatach ź Janukovičam — «ale nie na Majdanie, viadoma, bo tam «vysokaapłatnyja ekstremisty», a na telebačańni». Adnak spačatku, jak zajaviŭ lidar UDARa, Janukovič pavinien pryznać svaju adkaznaść za ekanamičny i palityčny kryzis va Ukrainie i padać u adstaŭku.

«I ŭ ramkach prezidenckaj kampanii ja ŭ luby momant hatovy sustrecca ź Janukovičam na debatach», — napisaŭ Kličko.

9 lutaha, padčas Narodnaha vieča, Kličko prapanavaŭ Janukoviču debaty na Majdanie Niezaležnaści, siońnia V. Janukovič prapanavaŭ pravieści teledebaty na adnym z ahulnanacyjanalnych telekanałaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0