Infarmacyja ab tym, što Jeŭraparłamient ličyć palityčnymi viaźniami 11 biełaruskich hramadzian, abvieščanaja kiraŭnikom delehacyi JEP pa suviaziach ź Biełaruśsiu Filipam Kačmarakam, nie źjaŭlajecca aficyjnaj pazicyjaj Jeŭraparłamienta, zajaviła BiełaPAN pamočnik Kačmaraka Silvija Fodar.

«Ja b chacieła zrabić udakładnieńnie nakont zajavy adnosna palitźniavolenych u Biełarusi, — adznačaje Fodar. — Ličba «11», jakaja zhadvałasia ŭ papiarednim kamientaryi, nazyvajecca niekatorymi niaŭradavymi arhanizacyjami i nie źjaŭlajecca aficyjnaj pazicyjaj Jeŭraparłamienta».

Raniej na prośbu BiełaPAN prakamientavać situacyju z ofisa Filipa Kačmaraka pastupiŭ adkaz, u jakim havaryłasia: «aficyjnaja kolkaść palitźniavolenych — 11». Pry hetym padkreślivałasia, što biez vyzvaleńnia palitźniavolenych «adnosiny pamiž Jeŭrasajuzam i Biełaruśsiu nie palepšajuć». Tym nie mienš, padkreśliła pamočnik Kačmaraka, «faktam źjaŭlajecca toje, što Jeŭraparłamient zaklikaje da vyzvaleńnia ŭsich palitviaźniaŭ».

Biełaruskija pravaabaroncy ličyli palitviaźniami 11 čałaviek: Mikałaja Statkieviča, Alesia Bialackaha, Mikałaja Aŭtuchoviča, Eduarda Łobava, Mikałaja Dziadka, Ihara Alinieviča, Andreja Hajdukova, Vasila Parfiankova, Uładzimira Jaromienka (byŭ vyzvaleny 11 sakavika), Jaŭhiena Vaśkoviča i Arcioma Prakapienku. Što tyčycca apošnich dvuch — aktyvistaŭ anarchisckaha ruchu Vaśkoviča i Prakapienki — to pravaabaroncy adznačajuć: u ich dziejańniach bačny prykmiety pravaparušeńnia, ale sud niespraviadliva kvalifikavaŭ ich dziejańni i vynies praźmiernaje pakarańnie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?