22-hadovy dančanin, jaki byŭ paranieny na Majdanie, abakraŭ siamju, jakaja dała jamu prytułak u Lvovie. Złamyśnik skraŭ u siamji $ 2,6 tys., 1 tys. jeŭra, dva załatyja zaručalnyja piarścionki, dva załatyja piarścionki i zavušnicy. Miesca jaho znachodžańnia vyśviatlajuć.
Hetuju infarmacyju ZAXID.NET paćvierdzili ŭ pres-słužbie milicyi Lvova.
Ab rabavańni raspaviała na svajoj staroncy ŭ Faciebook lvavianka Marjana Šaŭčuk. Pavodle jaje słoŭ, udzielnik 9-aj sotni Jeŭramajdanu Hienadź Duraŭkin, sirata z Daniecka, na praciahu 2 miesiacaŭ byŭ na Majdanie, braŭ udzieł u padziejach 18-20 lutaha. Byŭ paranieny, tamu pryjechaŭ padlačycca ŭ Lvoŭ. Spačatku žyŭ u Marjany z mužam, ale paśla pakoj jamu dali jaje baćki ŭ svaim domie ŭ Biełahorščy. Bo mienavita ź imi Hienadź i byŭ udzielnikam 9-aj sotni.
U Biełahorščy čałaviek žyŭ z 5 sakavika. Adnak užo 11 sakavika, u aŭtorak, Hienadź źnik, vykraŭšy hrošy, upryhažeńni, rovar, a taksama pakinuŭ u pamiaškańni ŭklučanuju hazavuju plitu. Asablivaja prykmieta mužčyny, kaža Marjana Šaŭčuk, - jon nie maje vierchnich zuboŭ.
Pa dadzienym fakcie adździeł milicyi Lvova raspačaŭ spravu pa artykule 185 KK (kradziež - karajecca štrafam da piacidziesiaci minimumalnych abo papraŭčymi rabotami na termin da dvuch hadoŭ, abo pazbaŭleńniem voli na termin da troch hadoŭ).
