Palityk Alaksiej Navalny zajaviŭ, što nie padtrymlivaje ŭvachodžańnie Kryma ŭ skład Rasii. Prychilniki apazicyjaniera vykłali jaho mierkavańnie nakont situacyi va Ukrainie ŭ błohu — samomu Navalnamu pad chatnim aryštam zabaroniena karystacca internetam.
Reuters.com
Navalny nahadaŭ, što Rasija abaviazałasia harantavać terytaryjalnuju cełasnaść Ukrainy ŭ abmien na admovu apošniaj ad jadziernaj zbroi, padpisaŭšy ŭ 1994 hodzie Budapiešcki miemarandum (jaki nie byŭ ratyfikavany). Jon taksama zaŭvažyŭ, što ŭ 2005 hodzie prezident Rasii Uładzimir Pucin vystupaŭ suprać pierahladu miežaŭ, sfarmavanych paśla raspadu Savieckaha Sajuza.
Apazicyjanier dadaŭ, što ŭ vypadku dałučeńnia Kryma rasijskaja ekanomika asłabnie, a heta, u svaju čarhu, moža pryvieści da žadańnia niekatorych subjektaŭ Fiederacyi vyjści sa składu krainy.
«Heta vialikaja stratehičnaja pamyłka, jakaja vyjdzie našaj krainie bokam», — reziumavaŭ Navalny, nahadaŭšy, što ŭ Rasii zakliki da refierendumu ab adździaleńni rehijonu nakštałt krymskaha padpadajuć pad artykuł Kryminalnaha kodeksa ab sieparatyźmie.
Uvachodžańnie Kryma ŭ skład Rasii, padkreśliŭ Navalny, pryviadzie da pašyreńnia NATA, źjaŭleńniu la rasijskich miežaŭ novych sistem PRA i źnižeńnia roli mižnarodnych arhanizacyj.
U jakaści alternatyvy palityk prapanavaŭ zachavać paŭvostraŭ ŭ składzie Ukrainy z pašyranaj aŭtanomijaj, zabaronaj na abmiežavańni ŭ vykarystańni rasijskaj movy i harantyjami biaspłatnaha i biesterminovaha znachodžańnia Čarnamorskaha fłotu Rasii ŭ Krymie. Dadatkovaj mieraj pavinny stać harantyi taho, što Ukraina nie ŭstupić u NATA.
Pry hetym u svaim dopisie Navalny robić vysnovu, što Rasija nie budzie dałučać Krym.
« My ŭbačym kłasičnuju pucinskuju historyju «dva kroki napierad, krok nazad», — napisaŭ palityk, patłumačyŭšy, što paŭvostraŭ, chutčej za ŭsio, stanie terytoryjaj, niezaležnaść jakoj pryznajuć tolki Rasija i družalubnyja joj krainy.
Navalny zaklikaŭ ukraincaŭ nie paddavacca na pravakacyi i «isteryku vakoł Kryma i nahadaŭ, što ŭ ich jość šaniec pabudavać jeŭrapiejskuju dziaržavu.
Jon dadaŭ, što impieryjalizm škodzić intaresam Rasii, a rasijanam treba navučycca kiravać «toj ziamloj, jakaja ŭžo jość».
