Paśla taho, jak adzin rasijski partał prapanavaŭ padtrymać pietycyju z prapanovaj dałučyć Kłajpiedski kraj da Rasijskaj Fiederacyi, hramadskaja ŭstanova Būkime vieningi («Budziem adzinyja») raspaŭsiudziła hetuju pravakacyju.
U joj pa-rasijsku ź vialikaj kolkaściu hramatyčnych i stylistyčnych pamyłak źviartajucca da rasijskamoŭnych žycharoŭ Litvy z prapanovaj, kab Kłajpiedski kraj byŭ dałučany da Rasii.
Kiraŭnik kamiteta Sojma pa nacyjanalnaj biaśpiecy i abaronie Arturas Paŭłaŭskas u pieradačy Žinių radijas skazaŭ, što za takija dziejańni suprać Litvy praduhledžana kryminalnaja adkaznaść.
«Departamient dziaržbiaśpieki pavinien ustanavić, chto arhanizavaŭ hetuju pravakacyju», — skazaŭ Paŭłaŭskas.
DDB nahadvaje, što publičnyja zakliki ab parušeńni suvierennaści Litoŭskaj Respubliki ci jaje terytaryjalnaj cełasnaści — heta złačynstva. Za heta pahražaje pazbaŭleńnie voli na termin da 5 hadoŭ.
