Siońnia była adchilenaja ad pasady hałoŭny redaktar «Lenta.ru» Halina Cimčanka. Supracoŭniki vydańnia paličyli, što jaje zvolniła kiraŭnictva biez tłumačeńnia pryčyn, tamu žurnalisty vystupili z zajavaj pra cisk na redakcyju.

Raźvitalnaje fota na pamiać

Raźvitalnaje fota na pamiać

Akramia taho, bolšaść ź ich pakidajuć svaje pasady śledam za byłoj načalnicaj. Tekst paviedamleńnia raźmieščany na sajcie «Lenta.ru», my pryvodzim jaho całkam:

Darahija čytačy!

Siońnia, 12 sakavika, ułaśnik kampanii «Afiša-Rambler-SUP» Alaksandr Mamut zvolniŭ hałoŭnaha redaktara «Lenta.ru» Halinu Cimčanku. Novym hałoŭnym redaktaram pryznačany Alaksiej Harasłaŭski — namieśnik hienieralnaha dyrektara pa źniešnich kamunikacyjach.

Na žal, heta nie štatnaja rakiroŭka, tamu patrabujucca niekatoryja tłumačeńni.

My ličym, što heta pryznačeńnie źjaŭlajecca pramym ciskam na redakcyju «Lenta.ru». Zvalnieńnie niezaležnaha hałoŭnaha redaktara i pryznačeńnie kiravanaha, u tym liku napramuju z kramloŭskich kabinietaŭ, čałavieka — heta ŭžo parušeńnie zakona ab ŚMI, jaki havoryć ab niedapuščalnaści cenzury.

Za apošnija paru hadoŭ prastoru svabodnaj žurnalistyki ŭ Rasii dramatyčna źmienšyłasia. Adny vydańni naŭprost kirujucca z Kramla, inšyja — praz kurataraŭ, trecija — redaktarami, jakija bajacca stracić pracu. Niekatoryja ŚMI začynilisia, inšyja začyniacca ŭ bližejšyja miesiacy.

Biada nie ŭ tym, što nam niama dzie pracavać. Biada ŭ tym, što vam, zdajecca, bolš niama čaho čytać.

My, biezumoŭna, mierkavali, što pryjduć i za nami.

My vierym, što heta nie nazaŭždy. U lubym vypadku vy, darahija čytačy, pavinny pra heta viedać.

Spadziajemsia, da chutkich sustrečaŭ.

***

Na momant zvalnieńnia Cimčanki «Lenta.ru» źjaŭlałasia samym naviedvalnym i samym cytavanym srodkam masavaj infarmacyi ŭ Runecie. Zvalniajucca nie tolki žurnalisty i fatohrafy, ale i veb-dyzajniery, art-dyrektar, sistemnyja administratary.

Dadamo, što lenta.ru abjektyŭna, a časam ź nieprychavanaj simpatyjaj u repartažach, aśviatlała padziei na Majdanie va Ukrainie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?