U Chojnikach rasijanin z nažom napaŭ na miascovaha žychara i nanios kala paŭtara dziasiatka ciažkich ran.
7 sakavika ŭ 01.26 nočy ŭ Chojnicki RAUS pastupiła paviedamleńnie ab tym, što ŭ pryjomnaje adździaleńnie miascovaj palikliniki ŭ stanie nieprytomnaści, sa šmatlikimi kołata-rezanymi ranami dastaŭleny 30-hadovy miascovy žychar. Paśla było ŭstanoŭlena, što pozna nočču mužčyna viartaŭsia dadomu i ŭ hety momant na jaho napaŭ nieviadomy i nanios 14 kołata-rezanych ran u tvaru, šyju i žyvot. Paśla hetaha złačynca źnik u nieviadomym napramku. Paciarpiełaha znajšła na vulicy miascovaja žycharka, jakaja i vyklikała chutkuju dapamohu.
Jak paviedamili BiełaPAN u pres-słužbie UUS Homielskaha abłvykankama, miascovyja ŭračy i chirurhi sutki zmahalisia za žyćcio paciarpiełaha. Na ščaście, ich starańni ŭviančalisia pośpiecham — praź niekalki dzion paciarpieły pryjšoŭ u pamiać.
Uvieś hety čas supracoŭniki kryminalnaha vyšuku pravodzili šerah apieratyŭna-pošukavych mierapryjemstvaŭ pa ŭstanaŭleńni koła mahčymych padazronych.
U vyniku parezaŭ u paciarpiełaha byli traŭmavany hałasavyja źviazki i padrabiazna raskazać ab zdareńni jon nie moh, tamu pošuk złačynca ŭskładniaŭsia. Tady supracoŭniki milicyi prapanavali jamu apisać złačynca pry dapamozie ručki i papiery, na što toj pahadziŭsia.
U vyniku praviedzienaj pracy supracoŭnikami kryminalnaha vyšuku byŭ ustanoŭleny padazrony. Heta 62-hadovy raniej nieadnarazova sudzimy hramadzianin Rasijskaj Fiederacyi, jaki žyvie na terytoryi rajona ŭ svajakoŭ.
Ciapier Chojnickim rajonnym adździełam Śledčaha kamiteta Respubliki Biełaruś u dačynieńni da padazronaha pravodziacca śledčyja dziejańni, skiravanyja na ŭstanaŭleńnie matyvaŭ i ŭsich akaličnaściaŭ učynieńnia hetaha złačynstva.
