U Charkavie prarasiejskija arhanizacyi ŭ niadzielu, 16 sakavika, praviaduć «refierendum-vieča», na jaki vyniesuć pytańnie fiederalizacyi Ukrainy.
Pra heta siońnia na pres-kanfierencyi skazaŭ člen vykankama abjadnańnia «Vieča Charkaŭ» Jahor Łohvinaŭ.
«Tolki adno pytańnie — fiederalizacyi, ale, ja dumaju, što na hetym ža vieča my prymiem rezalucyju. Spadziajusia, charkaŭčanie nas padtrymajuć», — skazaŭ Łohvinaŭ.
Pavodle jaho słoŭ, dla praviadzieńnia refierendumu-vieča buduć padrychtavanyja biuleteni, na ich žadajučyja zmohuć ŭkazać svaje proźvišča, imia, imia pa baćku, kantaktny telefon i, ułasna, prahałasavać. Biuleteni možna budzie kinuć va ŭstanoŭlenyja na płoščy skryni.
Łohvinaŭ dadaŭ, što ŭ rezalucyi, jakuju prymuć u niadzielu, hramadskija arhanizacyi płanujuć zajavić pra toje, što biaruć uładu ŭ rehijonie ŭ svaje ruki, zaklikać siłavyja struktury da pierapadparadkavańnia i źviarnucca pa dapamohu da Rasii.
