Parłamient Litvy ŭ čaćvier rezka asudziŭ vajennuju ahresiju Rasii suprać Ukrainy i akupacyju častki jaje terytoryi. Rezalucyja «Ab sychodziačych ad Rasijskaj Fiederacyi pahrozach biaśpieki Ukrainy i ŭsioj Jeŭropie» pryniataja 82 hałasami «za» pry čatyroch ŭstrymalisia.
«Siejm Litvy rezka asudžaje vajennuju ahresiju Rasijskaj Fiederacyi suprać Ukrainy i akupacyju častki terytoryi Ukrainy, a taksama rašeńnia Savieta Fiederacyi Rasii i Dziaržaŭnaj Dumy ab dazvole prymianić uzbrojenyja siły Rasiei va Ukrainie», — havorycca ŭ dakumiencie.
Siejm padkreśliŭ, što ćviorda padtrymlivaje suvierenitet, niezaležnaść, terytaryjalnuju cełasnaść Ukrainy, i vykazaŭ palityčnuju salidarnaść z novymi ŭładami Ukrainy.
Litoŭskija parłamientaryi taksama zajavili, što «metanakiravanyja dziejańni RF, jakija parušajuć dvuchbakovyja i šmatbakovyja pahadnieńnia ab zabieśpiačeńni suvierenitetu i terytaryjalnaj cełasnaści Ukrainy, ujaŭlajuć pahrozu dla biaśpieki nie tolki Ŭkrainy, susiednich krain, ale i dziaržaŭ — členaŭ Jeŭrasajuza (ES), NATA, a taksama dla stabilnaści ŭ Jeŭropie».
