Źniavolenyja Kiravahradskaj kałonii asablivaha režymu, dzie ŭtrymlivajecca amal tysiača recydyvistaŭ, pieršymi abviaścili pra namier dałučycca da ruchu supracivu akupacyi.
Krynica ŭ pienitencyjarnaj słužbie paviedamiła, što na dniach ukrainskija asudžanyja atrymali zvarot ad kryminalitetu Rasiei z prapanovaj zładzić bunty. Adnak u adkaz źniavolenyja vyrašyli dapamahčy ŭładam abaraniać Radzimu. Asudžanyja śćviardžajuć, što ŭ taki składany čas, kali vyrašajecca los Ukrainy, navat tyja, chto adbyvaje pakarańnie, nie mohuć zastacca ŭ baku, tamu nastojvajuć na stvareńni štrafnych bataljonaŭ.
«Asudžanyja źviarnulisia z pytańniem, ci majuć jany prava ŭdzielničać u abaronie niezaležnaści Ukrainy ŭ vypadku takoj situacyi, jakaja skłałasia ciapier. Napisali zajavy, prynieśli načalniku z prośbaj pryzvać ich na sapraŭdnuju vajskovuju słužbu. Možna rasceńvać heta jak patryjatyčny paryŭ», — paviedamiŭ namieśnik kiraŭnika Kiravahradskaj HPtS Pavieł Kramaraŭ.
Patryjatyčnamu paryvu aryštantaŭ pieraškodaj ciapier źjaŭlajucca ŭkrainskija zakony. A źniavolenyja śćviardžajuć: ich inicyjatyvu padtrymajuć u bolšaści inšych ukrainskich turmaŭ. Da taho ž, siarod asudžanych niamała śpiecyjalistaŭ redkich vajennych śpiecyjalnaściaŭ, i padčas bajavych dziejańniaŭ jany zmahli b reabilitavacca pierad Ajčynaj.