Prezident Rumynii Trajan Besiesku daŭ dazvoł na ŭvachod u terytaryjalnyja vady krainy frehata VMS Francyi. Napiaredadni ŭ Čornym mory pačalisia sumiesnyja vučeńni VMS Bałharyi, Rumynii i ZŠA.
Ułady Rumynii taksama dali samalotam NATA prava ažyćciaŭlać paloty nad pavietranaj prastoraj krainy ŭ suviazi ź situacyjaj va Ukrainie.
Dla ŭdziełu ŭ sumiesnych vučeńniach typu PASSEX z karablami VMS Bałharyi i Rumynii, 11 sakavika ŭ rumynski port Kanstanca prybyŭ amierykanski eśminiec USS Truxtun.
Jak paviedamili ŭ Ministerstvie abarony Rumynii, manieŭry byli zapłanavanyja ŭ 2013 hodzie z metaj pavysić apieratyŭnuju sumiaščalnaść vajenna-marskich adzinak krain-členaŭ NATA. Pa zakančeńni manieŭraŭ z 12 pa 14 sakavika USS Truxtun budzie znachodzicca ŭ bałharskim porcie Varna.
