Eks-kiraŭnik Administracyi prezidenta pry Leanidzie Kučmie Viktar Miedviadčuk zajaviŭ, što Viktar Janukovič pavinien viarnucca va Ukrainu, kab paŭstać pierad sudom.
Pra heta havorycca ŭ jaho zajavie, apublikavanaj u čaćvier na aficyjnym sajcie ruchu «Ukrainski vybar».
«Prezident, jaki dapuściŭ hramadzianskaje supraćstajańnie, hibiel ludziej — straciŭ maralnaje prava być kiraŭnikom dziaržavy», — zajaviŭ Miedviadčuk.
«Isnuje tolki adzin scenar viartańnia Janukoviča va Ukrainu. Jon pavinien paŭstać pierad sudom», — miarkuje eks-kiraŭnik administracyi Kučmy.
Miedviadčuk taksama admaŭlaje svaju datyčnaść da «płana viartańnia Janukoviča va Ŭkrainu».
Jak viadoma, Miedviadčuk źjaŭlajecca kumam rasijskaha prezidenta Uładzimira Pucina. Pucin u 2004 hodzie chryściŭ dačku Miedviedčuka Darju.
