U zakonie Biełarusi «Ab rekłamie» nieabchodna prapisać instrumient, jaki praduhledžvaje praceduru admovy abanientaŭ ad rekłamnaj rassyłki apierataraŭ sotavaj suviazi, zajaviła 13 sakavika namieśnik ministra handlu Iryna Narkievič u čas kruhłaha stała, pryśviečanaha abaronie pravoŭ spažyŭcoŭ sotavaj suviazi.
«Mnohich ludziej razdražniajuć dakučlivyja rekłamnyja paviedamleńni, jakija prychodziać da ich ad sotavych apierataraŭ. Atrymlivajecca, što čałaviek choča admovicca ad rassyłki, ale daloka nie zaŭsiody možna razabracca, jak adklučycca ad pasłuhi», - adznačyła Iryna Narkievič.
Pavodle słoŭ namieśnika ministra handlu, analiz damovaŭ apierataraŭ na padklučeńnie, raźmieščanych na ich sajtach, pakazaŭ, u hetych dakumientach źmiaščajecca infarmacyja ab tym, jak padklučycca da rekłamnaj rassyłki, ale nie va ŭsich prapisana, jak admovicca ad atrymańnia takoj infarmacyi.
«U suviazi z hetym naśpieła nieabchodnaść zakanadaŭča prapisać normu, jakaja budzie infarmavać ab pracedury admovy ad rekłamnaj rassyłki», — skazała Iryna Narkievič. Jana prapanavała apierataram mabilnaj suviazi, prysutnym na sustrečy, razam papracavać nad novaj normaj.
