U čaćviortym kvartale 2013 hoda vałavy zamiežny doŭh vyras na $2026,2 młn, paviedamlaje Nacyjanalny bank.
U składzie vałavoha zamiežnaha doŭhu 38,8% prypadaje na karotkaterminovy, jaki vyras na $2371,9 młn za minuły hod (u tym liku na $1142,8 młn za čaćviorty kvartał) i na 1 studzienia skłaŭ $15180,8 młn.
Na doŭhaterminovy doŭh (bolš za 1 hod) prypadaje 61,2% u struktury vałavoha doŭhu. Na 1 studzienia 2014 hoda jon skłaŭ $23943,5 młn, pavialičyŭšysia na $2986,4 młn za hod (u tym liku na $883,4 młn za čaćviorty kvartał).
Zamiežny doŭh orhanaŭ dziaržaŭnaha kiravańnia na 1 studzienia 2014 skłaŭ $13006,8 młn, pavialičyŭšysia na $438,2 młn za hod (u čaćviortym kvartale rost skłaŭ $112,8 młn).
Doŭh orhanaŭ hrašova-kredytnaha rehulavańnia vyras na $860,6 młn za 2013 da $1299,5 młn. U čaćviortym kvartale rost doŭhu skłaŭ $573,4 młn.
Biełaruskija banki pavialičyli zamiežny doŭh za studzień-śniežań minułaha hoda na $2007,5 młn (u tym liku na 267,4 młn u čaćviortym kvartale) da $8214,4 młn na 1 studzienia 2014 hoda.
Vałavy zamiežny doŭh inšych siektaraŭ skłaŭ $15009,28 młn na 1 studzienia 2014, pavialičyŭšysia na $1634,9 młn za 2013 hod (u tym liku na $945,4 młn u čaćviortym kvartale).
Pramyja inviestycyi: mižfirmavaje kredytavańnie na 1 studzienia skłała $1594,4 młn, pavialičyŭšysia na $417,1 młn za 2014 i na 127,2 młn u čaćviortym kvartale.
