U Biełarusi buduć pavyšany taryfy na pasłuhi telefonnaj suviazi dla fizičnych, jurydyčnych asob i indyvidualnych pradprymalnikaŭ.
Heta praduhledžana pastanovaj Minekanomiki ad 11 sakavika 2014 hoda № 21, jakaja 14 sakavika apublikavana na Nacyjanalnym pravavym internet-partale i nabudzie moc praź piać dzion.
Štomiesiačnaja abaniemientnaja płata dla fizičnych asob za pieraviedzieny na pačasovuju apłatu telefon pavysicca na 22,7% da 10.200 rubloŭ. Pačasovaja płata za kožnuju poŭnuju abo niapoŭnuju chvilinu złučeńnia pavialičycca na 20,7% da 27,4 rubla. Abanientnaja płata za nie pieraviedzieny na pačasovuju sistemu apłaty razmoŭ telefon pavyšajecca na 22,4% da 14.500 rubloŭ. Chvilina mižharodnich telefonnych złučeńniaŭ u stacyjanarnaj sietcy biez dapamohi telefanista pavyšajecca na 8,7% da 66 rubloŭ.
Dla jurydyčnych asob štomiesiačnaja abaniemientnaja płata pavysicca na 17,3% i składzie 13.200 rubloŭ za pieraviedzieny i 25.100 — za nie pieraviedzieny na pačasovuju apłatu telefon. Pačasovaja płata za kožnuju poŭnuju abo niapoŭnuju chvilinu pavialičycca na 22,2% da 44 rubloŭ. Chvilina mižharodnich telefonnych złučeńniaŭ składzie 75 rubloŭ, ci na 8,7% bolš.
Papiaredni raz pasłuhi telefonnaj suviazi daraželi 6 śniežnia 2013 hoda na 5—25%.