«Jak chutka rasiejcy dajšli b da Varšavy? Pry padtrymcy NATA heta było b vielmi składana, mahčyma, da Varšavy jany b naohuł nie dabralisia.
Kali b my byli vymušanyja baranicca sami — što ž, ja nie chaču siejać paraženčych nastrojaŭ, ale kali ŭličvać tempy maršu rasiejskaj armii, jaje ŭzbrojenym siłam chapiła b 3-4 dni, kab dajści da polskaj stalicy» — ličyć eks-ministr nacyjanalnaj abarony Polščy hienierał Valdemar Skšypčak.
«U vypadku pierarastańnia ŭkrainskaha kanfliktu ŭ adkrytuju kanfrantacyju, polski scenar budzie zaŭsiody adkazam na scenar atakujučaha boku, — zaznačyŭ hienierał. — U adpaviednaści z rasijskaj vajennaj daktrynaj pieršy etap nastupalnaj apieracyi — pavietranyja ŭdary, nakiravanyja ŭ pieršuju čarhu na źniščeńnie polskaj avijacyi, pavietranaj abarony, centraŭ kiravańnia dziaržavaj i armijaj.
Adnak atakavać nas źnianacku nie atrymajecca: polskaja i nataŭskaja raźviedka ŭ stanie svoječasova vykryć prykmiety padrychtoŭki rasiejskich vojskaŭ da ŭdaru».