Administracyja Centralnaha rajona Minska prapanavała dla aznajamleńnia prajekt zabudovy ŭ miežach praśpiekt Pieramožcaŭ – MKAD – vadaschovišča «Drazdy». Heta nievialiki trochkutnik ziamli kala staličnaha akvaparka płanujecca nazvać park «Drazdy».
Prajekt uklučaje ŭsiaho 11 abjektaŭ, pryčym bolšaść ź ich užo pracuje ci dabudoŭvajecca, jak, naprykład, aŭtazapraŭka na źjeździe z MKAD i ratavalnaja stancyja na bierazie vadaschovišča.
Asnoŭnym abjektam stanie budujemy akvapark, jaki atrymaŭ nazvu «Lebiadziny» (uchvalenuju minčukami nazvu «Kupalle» zabrakavaŭ asabista Alaksandr Łukašenka).
Na movie aficyjnych dakumientaŭ jon nazyvajecca «fizkulturna-azdaraŭlalny kompleks na 2171 adnačasovych naviedvalnikaŭ z adkrytaj akvazonaj, dziciačymi atrakcyjonami i sacyjalna-absłuhoŭvajučaj infrastrukturaj».
Budujecca i čatyrochpaviarchovy turecki hatel pa susiedstvu. U im źmieścicca 102 numary, pobač zaprajektavanyja vosiem haściavych domikaŭ.
Treci vialiki abjekt – restaran uschodniaj kuchni na 1200 pasadačnych miescaŭ.
Isnujučuju vieładarožku prapanujecca praciahnuć. Jaje prapuściać pad MKADam i vyvieduć da zony adpačynku «Krynica».
Uzdoŭž praśpiekta Pieramožcaŭ abstalujuć nabiarežnuju z kafe i prakatam rovaraŭ.
A trochi dalej, bližej da mikrarajona Drazdy, płanujecca pabudavać Centr alimpijskaj padrychtoŭki pa mastackaj himnastycy.
* * *
Hramadskaje abmierkavańnie praciahniecca da 28 sakavika 2014 hoda. A 21 sakavika ŭ pamiaškańni Centralnaha rajvykankama a 18-j adbudziecca prezientacyja prajekta z udziełam prajekciroŭščykaŭ i zakazčykaŭ budaŭnictva.