Žurnalisty znajšli dakumienty, jakija vykryvajuć schiemy Siarhieja Kurčanki dla ŭchileńnia ad vypłaty padatkaŭ. Dakumienty trapili ŭ ruki žurnalistaŭ-udzielnikaŭ Prajekta pa rasśledavańni arhanizavanaj złačynnaści i karupcyi (Vašynhton).
Pavodle dakumientaŭ, kampanii Kurčanki, zarehistravanyja ŭ afšorach, padazrajucca ŭ handli naftapraduktami z vykarystańniem schiem dla ŭchileńnia ad vypłaty padatkaŭ. Z pryčyny hetych schiem Ukraina straciła $1 młrd prybytku.
Raniej u Adesie byli zatrymanyja 60 ton paliva, jakoje naležała adnoj z kampanij Kurčanki. Kanfiskavanaje paliva paabiacali nakiravać u Minabarony.
Pa słovach kiraŭnika MUS Arsiena Avakava, raspačata 11 kryminalnych spraŭ pa dziejnaści kampanii Kurčanki VIETEK.
Byłyja supracoŭniki kampanij Kurčanki raspaŭsiudzili dakumienty, jakija pakazvajuć ruch najaŭnych hrošaj pamiž VIETEK i afšornym kampanijami ŭ Bielizie, u Panamie i na Kipry i ŭ inšych kirunkach, jakija mohuć pralić śviatło na sistemu funkcyjanavańnia biźnies-impieryi Kurčanki.
Niekatoryja z takich dakumientaŭ tyčacca dziejnaści raźmieščanaj u Bielizie afšornaj kampanii Zevidon Trading Limited. U lutym 2013 hetaja kampanija zapłaciła $2990000 TAA Zoŭnitranshaz, zarehistravanaj u Simfieropali.
Zhodna z mytnaj dekłaracyjaj, ukrainskaja kampanija pradała firmie ŭ Bielizie 3 tysiačy ton dyzielnaha paliva rasijskaha pachodžańnia. Jak pakazvajuć dakumienty, tankier z takim hruzam pavinien byŭ adpravicca z porta Izmaił u Bieliz.
Abiedźvie hetyja firmy fihurujuć u letašnim zapycie narodnaha deputata ad Svabody Juryja Siraciuka ŭ Hienieralnuju prakuraturu i SBU jak firmy, padazravanyja ŭ vykarystańni fiktyŭnych schiem ekspartu.
«Na ekspart nibyta pracujuć try kampanii z hrupy «Haz Ukrainy 2009» — PP «Armada-Plus», TAA «Zoŭnitranshaz» i daččynaje pradpryjemstva «Pietrał» (Pietrał-Forvardynh, TAA). Usie jany, pa dakumientach, transpartujuć bienzin (jaki nieviadoma adkul biarecca) aŭtacysternami da tankierami, jakija viazuć paliva kampanii Zevidon Trading Ltd ŭ Bieliz «, — napisaŭ Siraciuk ŭ svaim zapycie.
Pry hetym kampanija «Zoŭnitranshaz» zarehistravanaja ŭ Simfieropali pa adrasie vuł. Rastoŭskaja, 16. Adnak, jak akazałasia, tam znachodzicca škoła №18.
Jak śviedčać dakumienty, hetyja kampanii vykarystoŭvalisia dla taho, kab vyvieźci hrošy z Ukrainy ŭ Bieliz praź fiktyŭnyja schiemy ekspartu. Abjomy i košt takich schiem budzie ŭstanoŭleny paśla detalovaha vyvučeńnia dakumientaŭ.
Pavodle dadzienych Dziaržaŭnaha kamiteta statystyki, tolki ŭ lutym-sakaviku 2013 abjom ekspartu paliŭnych materyjałaŭ z Ukrainy ŭ Bieliz składaŭ amal 800 młn dołaraŭ.
Adnak paśla publikacyi niekalkich rasśledavańniaŭ Dziaržkamstat pa ŭkazańni ministra dachodaŭ i zboraŭ zakryŭ statystyku pa Bielizie. Tamu, jak vynik, u kancy hoda Dziaržkamstat apublikavaŭ dadzienyja, pavodle jakich abjom handlu naftapraduktami ź Bielizam za hod skłaŭ $170 młn.
Zevidon Trading Limited taksama fihuruje ŭ raźlikach ź Italijaj. U lutym 2013 hoda italjanskaja kampanija Barelli nakiravała Zevidon Trading Limited ček na 30 tysiač jeŭra za čatyry kaściumy «dla spadara Kacuby». Kožny z kaściumaŭ kaštavaŭ 15 tysiač jeŭra, i pałova z ahulnaha koštu ŭ 60 tysiač jeŭra ŭžo była vypłačana.
Dakumienty vykryvajuć niekatoryja z raniej dakazanych suviaziaŭ Kurčanki. Spadar Kacuba — adzin z dvuch bratoŭ Kacubaŭ z Charkava.
Małodšy brat, 26-hadovy Alaksandr Kacuba ŭ śniežni 2012 hoda staŭ namieśnikam staršyni nacyjanalnaha naftatrejdara Naftahaz Ukrainy. Raniej hetuju pasadu zajmaŭ jaho starejšy brat Siarhiej.
Dakumienty pakazvajuć, što kampanii Kurčanki pastajanna viali biznes z 14 afšornym kampanijami. Hetyja dakumienty da hetaha času vyvučajucca žurnalistami.
