Tryvožnyja naviny z paŭdniovaha ŭschodu Ukrainy. U Charkavie niekalki dziasiatkaŭ šturmavikoŭ napali na siadzibu ŭkrainskaha aśvietnickaha tavarystva «Praśvieta» imia Tarasa Šaŭčenki ŭ Charkavie. Paviedamlajecca, što dva čałavieki zabita, 5 paraniena.
«Praśvieta» — nacyjanalnaja aśvietnickaja arhanizacyja, kštałtu našaha Tavarystva biełaruskaj movy. Na jaje bazie hurtujucca raznastajnyja ŭkrainskija arhanizacyi, jak kulturnyja, tak i spartova-patryjatyčnyja.
A ŭ Daniecku šturmaviki ŭvarvalisia ŭ budynak suda, jaki razhladaŭ pytańnie zabarony mitynhaŭ, pryznačanych na subotu i niadzielu, ź mierkavańniaŭ biaśpieki. Milicyja ich niejtralizavała. Sud pryniaŭ rašeńnie pra zabaronu masavych akcyj. Z takoj prośbaj vystupiŭ harsaviet.
Na prośbu abłasnoj administracyi zabaronieny mitynh prarasijskich siłaŭ i ŭ Charkavie, jaki byŭ pryznačany na subotu i na jakim arhanizatary źbiralisia «pryniać rašeńnie» pra fiederalizacyju Ukrainy.
