Respublika Biełaruś adbyłasia jak suvierennaja dziaržava, najvyšejšaj kaštoŭnaściu i biezumoŭnym pryjarytetam jakoj źjaŭlajecca čałaviek i jaho zakonnyja intaresy. Pra heta havorycca ŭ vinšavańni Alaksandra Łukašenki da Dnia Kanstytucyi, jaki adznačajecca 15 sakavika.
«Pryniaty dva dziesiacihodździ tamu Asnoŭny Zakon zamacavaŭ važniejšyja pryncypy pabudovy ŭ našaj krainie demakratyčnaj dziaržavy, zakłaŭ tryvały pravavy fundamient niezaležnaści, realizavaŭ imknieńnie biełaruskaha naroda być paŭnapraŭnym haspadarom na rodnaj ziamli», — cytuje vinšavańnie Łukašenki pres-słužba.
«Adznačajučy 20-hodździe Kanstytucyi i aceńvajučy maštabnyja pieramieny, jakija adbylisia ŭ žyćci biełarusaŭ za taki karotki pa histaryčnych mierkach pieryjad, my z honaram i poŭnaj upeŭnienaściu havorym: Respublika Biełaruś adbyłasia jak suvierennaja dziaržava, najvyšejšaj kaštoŭnaściu i biezumoŭnym pryjarytetam jakoj źjaŭlajecca čałaviek i jaho zakonnyja intaresy», — upeŭnieny kiraŭnik dziaržavy.
Na dumku Łukašenki, «my dynamična ruchajemsia napierad, raźvivajem ekanamičnuju i sacyjalnuju śfiery, pavyšajem svoj mižnarodny aŭtarytet, realizujem abvieščanyja ŭ Asnoŭnym Zakonie pryncypy narodaŭładździa, viaršenstva prava, raździaleńnia ŭładaŭ i sacyjalnaj spraviadlivaści».
Biełaruski kiraŭnik pierakanany, što, «abapirajučysia na pałažeńni Kanstytucyi, my i nadalej zrobim usio dla ŭmacavańnia miru i zhody ŭ rodnaj Biełarusi, rostu dabrabytu i praćvitańnia biełaruskaha naroda».
