Z 06.00 15 sakavika da 06.00 16 sakavika pavodle źviestak Biełenierha na terytoryi krainy byli abiastočany 1309 nasielenych punktaŭ. Pa stanie na 06.00 16 sakavika zastajucca biez elektrazabieśpiačeńnia 152 nasielenyja punkty ŭ Bresckaj, Homielskaj, Hrodzienskaj, Minskaj i Mahiloŭskaj abłaściach.
Z pryčyny paryvaŭ vietru (da 20 m/s) 15 sakavika paciarpieli 87 nasielenych punktaŭ u 22 rajonach Bresckaj, Homielskaj, Minskaj i Mahiloŭskaj abłaściej.
Paškodžanyja dachi 41 žyłoha doma, 8 abjektaŭ sackultbytu, 109 sielskahaspadarčych budynkaŭ (6 adnoŭlenyja). Paciarpiełych niama. Avaryjnymi bryhadami viaducca adnaŭlenčyja raboty.
Bolšaść paškodžanych budynkaŭ — na terytoryi Homielskaj vobłaści.
15 sakavika ŭ 13:36 pastupiła paviedamleńnie ab paškodžańni dachu (mietaładachoŭka) na płoščy 250 kv. mietraŭ čatyrochpaviarchovaha budynka Stolinskaj centralnaj rajonnaj balnicy. U 20:00 dach budynka adramantavany.
