Kala 1000 čałaviek znachodziacca na płoščy Hierojaŭ Vialikaj Ajčynnaj vajny, kala pomnika Tarasu Šaŭčenka, u centry Łuhanska. Tam ustanoŭlena scena, na mitynhu vystupajuć ludzi.
Ludzi ŭdzielničajuć u tak zvanym «narodnym refierendumie». Usim žadajučym vydajuć biuleteni «dla hałasavańnia». Pry vydačy biuleteniaŭ nie patrabujuć nijakich dakumientaŭ, vydajuć pa niekalki štuk u ruki.
U biuleteni 5 pytańniaŭ. Na kožnaje prapanujecca 2 varyjanty adkazu — «tak» abo «nie».
1. Vy daviarajecie časova v.a. prezidenta Ukrainy i pryznačanym im asobam?
2. Ci padtrymlivajecie źnižeńnie sacyjalnych vypłat i admienu lhot pa patrabavańni MVF?
3. Vy padtrymlivajecie status Łuhanskaj vobłaści jak subjekta fiederacyi ŭ składzie Ukrainy?
4. Ci padtrymlivajecie amnistyju lidaraŭ «narodnaha supracivu» Łuhanščyny?
5. Ci padtrymlivajecie ŭstupleńnie ŭ Mytny sajuz?
U biuleteniach paznačana, što hałasavańnie prachodzić z 16 da 23 sakavika.