Rada Ruchu «Za Svabodu» vystupiła z zajavaj «Ab rasijskaj ahresii suprać Ukrainy i ab pahrozie niezaležnaści Biełarusi»
«Palityka nieaimpierskaha revanšu i ahresija Rasii suprać ukrainskaj dziaržavy i jeŭrapiejskaha vybaru narodu Ukrainy źjaŭlajucca ahulnajeŭrapiejskaj pahrozaj. Heta vielmi niebiaśpiečny vyklik dla mirnaha raźvićcia i ŭzajemavyhadnaj intehracyi, — havorycca ŭ zajavie.
U 1994 hodzie Rasija ŭziała na siabie abiazalnictvy pavažać niezaležnaść, suvierenitet i isnujučyja dziaržaŭnyja miežy Ukrainy, Kazachstana i Biełarusi, ustrymlivacca ad pahrozy ŭžyvać siłu suprać ichniaj terytaryjalnaj cełasnaści i palityčnaj niezaležnaści, a taksama nie ŭžyvać ekanamičny prymus dziela adstojvańnia svaich ułasnych intaresaŭ. Siońnia my bačym, što kramloŭski režym hruba parušaje svaje mižnarodnyja abiazalnictvy i Statut AAN u dačynieńni da Ukrainy.
Paśla Ukrainy moža nadyści čarha Biełarusi, Kazachstana ci luboj inšaj dziaržavy.
My salidarnyja z narodam Ukrainy, jaki hieraična zrabiŭ cyvilizacyjny vybar na karyść jeŭrapiejskaha šlachu raźvićcia i demakratyi. Biełaruś pavinna adnaznačna padtrymać suvierenitet, niezaležnaść i terytaryjalnuju cełasnaść Ukrainy, a nie hulacca ŭ niebiaśpiečnyja hulni z ahresaram i pašyrać jahonuju vajskovuju prysutnaść u našaj krainie. Nielha rabić biełaruski narod zakładnikam čužych zachopnickich płanaŭ.
Los biełaruskaj dziaržavy i nacyi pad vielizarnaj pahrozaj. Zaležnaść ad uschodniaha susieda katastrafičnaja.
Heta pryviało ekanomiku Biełarusi da hłybokaha kryzisu. Usio bolš i bolš rasijskich vajskoŭcaŭ stupaje na biełaruskuju ziamlu, što jašče bolš addalaje nas ad cyvilizavanaha śvietu.
Biełaruś nie pavinna być satelitam Kramla.
U biełaruskim nacyjanalnym intaresie – realnaje napaŭnieńnie kanstytucyjnaha pałažeńnia pra niejtralny status Biełarusi, vychad z ADKB i Mytnaha sajuzu, niejtralizacyja rasijskaj prapahandy ŭ Biełarusi, supracoŭnictva i intehracyja ź Jeŭrapiejskim sajuzam. Nam žyćciova nieabchodna kansalidacyja na hruncie patryjatyzmu, nacyjanalnych intaresaŭ i kaštoŭnaściaŭ.
Zaklikajem usich hramadzianaŭ Biełarusi vykazać adpaviednuju hramadzianskuju pazicyju padčas ušanavańnia Dnia Voli 25 sakavika.
Nam patrebnyja ahulnabiełaruski dyjałoh i nacyjanalnaja kansalidacyja.
Heta mahčyma tolki paśla vyzvaleńnia ŭsich palitviaźniaŭ, spynieńnia palityčnych represijaŭ i pašyreńnia svabody ŚMI. Nieadkładna pavinna być pryniataja antykryzisnaja prahrama, skiravanaja na realnuju madernizacyju ekanomiki krainy i zabieśpiačeńnie enierhietyčnaj biaśpieki praz šyrokaje supracoŭnictva z krainami Čarnamorska-Bałtyjskaha rehijonu.
Ruch «Za Svabodu» zaklikaje narod Biełarusi da aktyŭnych dziejańniaŭ u abaronu suvierenitetu, niezaležnaści i nacyjanalnaj samabytnaści.k – nacyjanalnaj kansalidacyi i jeŭrapiejskamu vybaru narodaŭ Ukrainy i Biełarusi!
Nie — rasijskaj ahresii! Nie — zachopnickaj vajnie!»
