Na ČS-2014 pa chakiei ŭ Minsk pryjeduć zaŭziatary z Kamieruna, Pakistana i Novaj Ziełandyi.
Ab hetym paviedamiŭ mieniedžar Dyrekcyi pa praviadzieńni čempijanatu śvietu pa chakiei 2014 hoda Piotr Rabuchin.
Akramia taho, u Biełaruś źbirajucca amatary chakieja z Aŭstralii, Banhładeš, Brazilii, Kałumbii, Maroka, Nihieryi, AAE i Respubliki Kareja.
Z krain-udzielnic turniru najbolšuju kolkaść biletaŭ i abaniemientaŭ vykupili Rasija i Łatvija.
Užo ciapier možna skazać, što na matčach z udziełam kamand hetych krain budzie anšłah. Aktyŭna kuplajuć bilety niemcy, słavaki, čechi i finy.
Nie mienš aktyŭna bilety nabyvajuć žychary krain, čyje zbornyja nie ŭdzielničajuć u turniry. Siarod takich krain bolš za ŭsio biletaŭ kupili susiedzi Biełarusi — Polšča, Litva i Ukraina, a taksama Vialikabrytanija, Aŭstryja, Ispanija i Bielhija.
Na čempijanat taksama źbirajucca fanaty z Ałbanii, Bałharyi, Vienhryi, Hrecyi, Izraila, Iardanii, Irłandyi, Isłandyi, Luksiemburha, Małdovy, Niderłandaŭ, Partuhalii, Rumynii, Słavienii, Turcyi, Charvatyi i Estonii.
Pavodle apošnich danych, bilety na spartyŭnaje pieršynstvo kupili zaŭziatary bolš čym z 50 krain.
Bilety možna kupić u punktach prodažaŭ aficyjnaha biletnaha apieratara kampanii «Ticketpro.by», na sajcie ticketpro.by i praz dylerskija sietki.
