Kiraŭniki najbujniejšych rasijskich kampanij «Rośniefť» i «Hazprom» Ihar Siečyn i Alaksiej Miler mohuć trapić pad vizavyja i finansavyja sankcyi, jakija Jeŭropa płanuje ŭvieści ŭ dačynieńni da Rasii z-za Kryma. Jany ŭvajšli ŭ čorny śpis rasiejcaŭ, jakim budzie zabaronieny ŭjezd u ES, a ich aktyvy buduć zamarožany.
Aleksandr Koriakov / Kommiersant'
Pakul heta tyčycca mieniedžaraŭ, ale paśla analizu situacyi sankcyi mohuć raspaŭsiudzicca i na dziejnaść rasijskich dziaržkampanij za miažoj. Tak, rehulatary mohuć zabłakavać kuplu «Rośniefťju» trejdynhavaha padraździaleńnia Morgan Stanley.
ES u ramkach sankcyj u dačynieńni da Rasii skłaŭ čorny śpis, u jaki ŭvajšło 130 rasijskich čynoŭnikaŭ i kiraŭnikoŭ najbujniejšych kampanij: im moža być zabaronieny ŭjezd u ES, a ich aktyvy mohuć zamarozić, paviedamili jeŭrapiejskija i amierykanskija dypłamatyčnyja krynicy.
U pryvatnaści u jaho ŭvajšli kiraŭniki «Rośniefti» Ihar Siečyn i «Hazproma» Alaksiej Miler. Ale nie jasna, kali i pa jakoj schiemie buduć uviedzienyja abmiežavańni.
