Alaksandr Łukašenka harantuje praviadzieńnie ŭ Minsku najlepšaha ŭ historyi čempijanatu śvietu pa chakiei.
BiełTA
Pra heta jon zajaviŭ na sustrečy z prezidentam Mižnarodnaj fiederacyi chakieja, členam Vykankama MAK Rene Fazelem, paviedamlaje BiełTA.
«Ja vam harantuju, što čempijanat u Minsku budzie samym lepšym čempijanatam u historyi. A jon tady taki, kali na trybunach niama svabodnych miescaŭ.
I ja chaču zapeŭnić vas, što ŭ nas svabodnych miescaŭ na ŭsich matčach nie budzie.
I ja ŭpeŭnieny, što vy budziecie hanarycca hetym čempijanatam śvietu», — skazaŭ jon.
Alaksandr Łukašenka adznačyŭ, što Rene Faziel ukłaŭ niamała svajoj pracy ŭ padrychtoŭku da hetaha pieršynstva.
«Vy tut pastajanna byvali, padkazvali, raili, nakiroŭvali pracu ŭ toje rečyšča, u jakoje treba było, — skazaŭ Łukašenka.
Jon taksama padziakavaŭ Rene Fazelu za mužnaść, jakuju jon asabista i Mižnarodnaja fiederacyja chakieja prajavili ŭ dačynieńni da Biełarusi i čempijanatu śvietu, jaki budzie praviedzieny ŭ Minsku. «Ja vielmi dobra viedaju, jaki byŭ cisk na mižnarodnuju fiederacyju. I vy sami mieli taki ž cisk.
U nas chakieisty prosta hanaracca prezidentam Mižnarodnaj fiederacyi chakieja: bačycie, voś heta sapraŭdny mužyk,
skazaŭ, što sport pa-za palitykaj, značyć, pa-za palitykaj, pryniata rašeńnie ŭ Minsku pravodzić čempijanat, značyć, budziem pravodzić u Minsku», — adznačyŭ Łukašenka.
«I jak by ni cisnuli, ja adkryta kažu, navat zasumniavaŭsia, kali byŭ žudasny cisk: dumaju, niaŭžo Rene zdasca, adydzie ad hetych pazicyj, ale vytrymaŭ. Ja tabie vielmi ŭdziačny za heta», — skazaŭ Łukašenka, źviartajučysia da prezidenta Mižnarodnaj fiederacyi chakieja.
Čempijanat śvietu pa chakiei projdzie ŭ Minsku z 9 pa 25 maja na dźviuch arenach — «Minsk-Arenie» i «Čyžoŭcy-Arenie». Udzieł u im voźmuć 16 zbornych (Biełarusi, Rasii, ZŠA, Kanady, Šviecyi, Finlandyi, Narviehii, Danii, Čechii, Słavakii, Šviejcaryi, Łatvii, Kazachstana, Italii, Francyi, Hiermanii).
