Śpiecyjalisty adznačajuć niezvyčajna rańni nastup siezona klaščoŭ u Biełarusi. Pieršyja adzinkavyja vypadki ŭkusaŭ byli zafiksavany ŭ Bresckaj vobłaści ŭ treciaj dekadzie lutaha.
Jak paviedamlaje Respublikanski centr hihijeny, epidemijałohii i hramadskaha zdaroŭja, da pačatku sakavika było zarehistravana vosiem vypadkaŭ ukusaŭ ludziej klaščami ŭ Bresckaj, Viciebskaj, Hrodzienskaj abłaściach i Minsku.
Miedyki nahadvajuć, što iksodavy klešč moža być pieranosčykam dzieviaci ŭzbudžalnikaŭ infiekcyjnych zachvorvańniaŭ na terytoryi Biełarusi, i štohod u krainie rehistrujuć dva ź ich — kleščavy encefalit i Łajm-barelijoz.
U 2013 hodzie pa miedycynskuju dapamohu z pryčyny ŭkusaŭ klaščami źviarnulisia 38 tys. 180 čałaviek, 107 ich ich zachvareli na virusny kleščavy encefalit, u tym liku ŭ 12 vypadkach zaražeńnie adbyłosia pry spažyvańni syroha kazinaha małaka. Łajm-barelijozam letaś zarazilisia 1 tys. 30 čałaviek.
