Narodnyja deputaty pryniali zakon «Ab zaćviardžeńni Ukaza prezidenta Ukrainy «Ab častkovaj mabilizacyi». Za heta rašeńnie prahałasavali 275 parłamientaryjaŭ.
Pa słovach sakratara Rady nacyjanalnaj biaśpieki i abarony Andreja Parubija, nieabchodnaść pryniaćcia hetaha dakumienta vyklikana abvastreńniem hramadska-palityčnaj situacyi na Krymskim paŭvostravie i nieprychavanaj ahresijaj, zachopam rasijskim bokam častki terytoryi Aŭtanomnaj Respubliki Krym i horada Sievastopala.
Zhodna z dakumientam, častkovaja mabilizacyja pravodzicca na terytoryi ŭsich abłaściej Ukrainy i horada Kijeva.
Na terytoryi Kryma i horada Sievastopala mabilizacyja ažyćciaŭlajecca siarod hramadzian, jakija dobraachvotna vykazali žadańnie być paklikanymi na słužbu.
Parubij udakładniŭ, što mabilizacyja budzie pravodzicca 45 sutak z dnia ŭstupleńnia ŭ siłu Ukaza. Pavodle jaho słoŭ, płanujecca pryciahnuć 20 tysiač čałaviek va ŭzbrojenyja siły i 20 tysiač bajcoŭ u Nacyjanalnuju hvardyju.
Ukaz ustupaje ŭ siłu paśla jaho zaćviardžeńnia Viarchoŭnaj Radaj Ukrainy.
