Kiraŭnik Ruskaj pravasłaŭnaj carkvy pachvaliŭ maskoŭskaha cara Ivana Žachlivaha (Hroznaha) za Livonskuju vajnu.
reuters.com
Pra heta patryjarch Kirył zajaviŭ padčas aśviačeńnia chrama Naradžeńnia Praśviatoj Baharodzicy ŭ Kryłackim horada Maskvy. Jaho słovy pryvodzić aficyjny sajt RPC.
«Viadoma, što car Ivan IV Hrozny naviedvaŭ hetaje miesca, kali nakiroŭvaŭsia ŭ pachod na Połack. Mnohija ŭžo nie viedajuć, što ad hetaha pachodu zaležyŭ šmat u čym los Rasii. I rasijskaje vojska tady pieramahło i spyniła niebiaśpiečnuju ahresiju, jakaja, jak zaŭsiody, niesła ŭ adnosinach da Rasii nie tolki sprobu atrymać materyjalnyja dabroty, zakabaliŭšy narod, ale, što samaje hałoŭnaje, zaŭsiody byli sproby, jak my b skazali sučasnaj movaj, pierafarmatavać našu śviadomaść, źmianić naša kulturnaje, nacyjanalnaje i relihijnaje samarazumieńnie. Tady Ivan Hrozny nie dazvoliŭ hetaha zrabić», — zajaviŭ Patryjarch Kirył.
Połack byŭ zachopleny vojskami Ivana Hroznaha 15 lutaha 1563 h.
Maskoŭskija vojski padvierhnuli horad poŭnamu spustašeńniu, tysiačy jaho žycharoŭ byli zabityja i vysielenyja. Połackija bajary, kupiectva, bolšaść haradžan, a taksama žychary navakolla Połacka byli pazbaŭlenyja majomaści i adpraŭlenyja ŭ pałon, pa roznych acenkach kolkaść pałonnych skłała ad 15 000 da 60 000 čałaviek.
