Alaksandr Łukašenka ŭ paniadziełak 17 sakavika pryniaŭ šerah kadravych pryznačeńniaŭ, paviedamili ŭ pres-słužbie kiraŭnika dziaržavy.
Prezident daŭ zhodu na pryznačeńnie Dźmitryja Kijko namieśnikam ministra finansaŭ, Uładzimira Hrakuna — namieśnikam ministra sielskaj haspadarki i charčavańnia, Uładzimira Pryvałava — namieśnikam ministra sportu i turyzmu.
Łukašenka taksama pahadziŭsia z pryznačeńniem Michaiła Filimonava hienieralnym dyrektaram dziaržpradpryjemstva «Biełaruskaja atamnaja elektrastancyja».
Jak paviedamili ŭ pres-słužbie, Łukašenka taksama pryznačyŭ pradstaŭnikoŭ Biełarusi ŭ šerahu mižnarodnych struktur. U pryvatnaści, Viktar Kahut staŭ namieśnikam hienieralnaha sakratara rady Mižparłamienckaj Asamblei krain SND — pradstaŭnikom Nacyjanalnaha Schodu Biełarusi ŭ MPA SND i Biełaruskaha parłamienta ŭ MPA Jeŭrazijskaj ekanamičnaj supolnaści.
Prezident taksama daŭ zhodu na pryznačeńnie Śviatłany Pišč namieśnikam načalnika aparatu pradstaŭnictva Parłamienckaha Schodu Sajuza Biełarusi i Rasii ŭ Biełarusi, Maksima Mazurkieviča — namieśnikam načalnika hałoŭnaha arhanizacyjnaha kiravańnia Sakrataryjata Parłamienckaha Schodu Sajuznaj Dziaržavy.
Akramia taho, Łukašenka daŭ zhodu na pryznačeńnie kiraŭnikoŭ šerahu rajvykankamaŭ, kiraŭnikoŭ pradpryjemstvaŭ i navučalnych ŭstanovaŭ.
