U Pinsku 17 sakavika adzinaccacikłaśnik pamior na ŭroku fizkultury. Chłopiec hulaŭ u futboł i raptam adčuŭ siabie drenna.
Pinskim mižrajonnym adździełam Śledčaha kamiteta pravodzicca pravierka pa fakcie śmierci 17-hadovaha pinčuka ŭ adnoj ź siarednich ahulnaadukacyjnych škoł horada, paviedamlajuć va ŭpraŭleńni SK pa Bresckaj vobłaści.
«U chodzie pravierki ŭstanoŭlena, što 17 sakavika navučeniec 11- ha kłasa znachodziŭsia na ŭroku fizičnaj kultury ŭ škole Pinska, hulaŭ u futboł z adnakłaśnikami. Praź niekatory čas jon adčuŭ siabie drenna. Vykładčykam była vyklikanaja bryhada chutkaj miedycynskaj dapamohi, jakaja pa prybyćci kanstatavała śmierć junaka», — raskazali ŭ SK.
Zaraz vyśviatlajucca ŭsie abstaviny zdareńnia. Užo ahledžana cieła pamierłaha, jaho rečy, a taksama žyllo i kampjutarnaja technika, kab vyznačyć mahčymyja pryčyny nastupleńnia śmierci. «Apytvajucca piedahohi, adnakłaśniki, siabry i svajaki pamierłaha. Ciapier pryznačanaja sudova-miedycynskaja ekśpiertyza, jakaja ŭstanović pryčynu śmierci junaka», — adznačajuć u SK.
