Uładzimir Šycikaŭ 15 sakavika vyjšaŭ na vulicy Homiela z płakatami: «Pucinskaja Rasija, ty zvarjacieła», «Blask rezidencyj nie ratuje dyktataraŭ».
fota BiełaPAN
Sudździa Savieckaha rajona Homiela Siarhiej Šaŭstruk pakaraŭ 17 sakavika siabra Abjadnanaj hramadzianskaj partyi Uładzimira Šycikava 10 sutkami aryštu. Na padstavie milicejskaha pratakoła Šycikaŭ pryznany vinavatym u parušeńni paradku arhanizacyi albo praviadzieńnia masavaha mierapryjemstva.
U sud 68-hadovaha aktyvista achoŭniki pryvieźli ź izalatara časovaha ŭtrymańnia. Nikoha na razhlad administracyjnaj spravy nie puścili. Pasiadžeńnie sudździa pravioŭ nadzvyčaj chutka.
Uładzimira Šycikava milicyjanty zatrymali 15 sakavika la handlovaha centra «Rečycki», dzie prachodziŭ pikiet siabroŭ AHP «Patrabujem sumlennych vybaraŭ».
Šycikaŭ staŭ poruč ź pikietoŭcami z płakatami: «Pucinskaja Rasija, ty zvarjacieła», «Blask rezidencyj nie ratuje dyktataraŭ».
