Novy hałoŭny redaktar «Lenta.ru» Alaksiej Harasłaŭski zajaviŭ, što internet-ŚMI piarojdzie ad kancepcyi palityki na naviny biźniesu i ekanomiki. Pra heta paviedamlaje telekanał Dožd́ sa spasyłkaj na ITAR-TASS.
Harasłaŭski ŭdakładniŭ, što mieniedžmient «Lenta.ru» na praciahu troch miesiacaŭ raspracuje novuju kancepcyju. Pry hetym, źmienu kancepcyi vydańnia Harasłaŭski abumoviŭ «analizam intaresaŭ čytačoŭ» «Lenta.ru».
Taksama hałoŭny redaktar internet-vydańnia paviedamiŭ, što pracazdolnaść redakcyi budzie adnoŭlenaja ŭ poŭnym abjomie praz 2-3 tydni.
Jon adznačyŭ, što na siońniašni dzień zajavu ab zvalnieńni napisali kala 40 supracoŭnikaŭ «Lenta.ru», siarod jakich jak žurnalisty, tak i techničny piersanał. Harasłaŭski ŭdakładniŭ, što ŭ redakcyju pryjšło kala 200 reziume.
