Biełstat apublikavaŭ statystyčny ahlad da Suśvietnaha dnia teatra, jaki adznačajecca 27 sakavika.
Ahulnaja situacyja ŭ paraŭnańni z papiarednimi hadami nie źmianiłasia.
Na kaniec 2013 hoda ŭ Biełarusi dziejničała 28 prafiesijnych teatraŭ.
Ciaham 2013 hoda jany pakazali 8,6 tys. śpiektaklaŭ, kancertaŭ, tvorčych viečaroŭ (amal treciaja častka ź jakich – u Minsku).
Usiaho ŭ repiertuary teatraŭ letaś znachodziłasia 940 śpiektaklaŭ. Ź ich 257 pastaŭlenyja pa-biełarusku,
340 naležać biełaruskim aŭtaram (častka sučasnych aŭtaraŭ pišuć pa-rusku). Što tyčycca premjer, dyk sa 133 novych pastanovak pjesy biełaruskich tvorcaŭ skłali bolš za čverć.
Ahulnaja kolkaść hledačoŭ, jakija letaś naviedali biełaruskija teatry skłała 1,9 młn. hledačoŭ. Amal pałova ź ich – hledačy staličnych teatraŭ.
Statystyka vyznačyła trojku najbolš naviedvalnych kalektyvaŭ. Heta staličnyja Opierny (13% hledačoŭ), Muzyčny (8,9 %) i Ruski teatry (6%). Praŭda, ich lidarstva moža być patłumačana pamieram hladzielnaj zały.
