A taksama 3 953 knihi za 72 tysiačy dołaraŭ za košt biudžetu Minska.
Minharvykankam zakuplaje dla Pałaca Niezaležnaści (rezidencyi kiraŭnika Biełarusi) posud za 2 miljardy 548 miljonaŭ rubloŭ, a heta kala 258 tysiač dołaraŭ. Konkurs na zakupku abvieščany na sajcie icetrade.by. Zamoŭca — Upraŭleńnie kapitalnaha budaŭnictva Minharvykankama. Hrošy płanujuć vydatkavać ź miascovaha biudžetu.
Jeŭraradyjo patłumačyli, što zakuplajecca šmat roznaha posudu, ale idzie jon jak adzin kamplekt. Čyjoj vytvorčaści budzie posud, stanie viadoma tolki paśla vynikaŭ tarhoŭ. Paŭdzielničać zaprasili Dobrušski farforavy zavod. Pakul zajavak ad pastaŭščykoŭ niama.
Raniej u Pałac Niezaležnaści chacieli kupić siervizy niamieckaj firmy Falken-Porzellan z hierbam Biełarusi (). Ale tarhi ŭ vyniku admianili. Ciapier u konkursie vytvorca posudu nie paznačany.
Taksama dla rezidencyi nabyvajuć 3 953 knihi za 709 miljonaŭ rubloŭ.
Čytajcie taksama: Z zołata jeści chočuć: u Pałac Niezaležnaści spatrebiŭsia elitny posud Falken-Porzellan
