Ciapier u krainie naličvajecca 347 kałhasaŭ. Da 2016 hoda płanujecca pieraŭtvaryć ich u haspadarčyja tavarystvy abo kamunalnyja unitarnyja pradpryjemctvy.
Da kanca 2016 hoda ŭ Biełarusi buduć pieraŭtvorany ŭsie kałhasy. Jak paviedamiŭ na pres-kanfierencyi 21 sakavika ministr sielskaj haspadarki i charčavańnia Leanid Zajac, heta praduhledžana prajektam ukaza prezidenta «Ab niekatorych pytańniach kałhasaŭ».
Pavodle jaho słovaŭ, na siońnia ŭ krainie pracuje 347 kałhasaŭ. Dakumientam praduhledžana pryniaćcie rašeńnia kałhasami ab pieraŭtvareńni ŭ haspadarčyja tavarystvy abo kamunalnyja ŭnitarnyja pradpryjemstvy i inšyja.
«Pryniaćcie takoha dakumienta vyklikana tym, što siońnia statuty kałhasaŭ stracili svaju značnaść i nie adpaviadajuć sučasnym zakanadaŭčym normam. Jany taksama ŭvachodziać u supiarečnaść z Padatkovym kodeksam», — patłumačyŭ ministr.
Jon adznačyŭ, što pryniaćcie ŭkaza «dazvolić kankretyzavać adnosiny ŭłasnaści, pakolki siońnia ŭ kałhasach adsutničaje paradak pieraraźmierkavańnia prybytku pamiž členami kalektyvu paśla adčužeńnia pradpryjemstva jak majomasnaha kompleksu».
Ukazam spraščajecca pracedura prodažu sielhaspradpryjemstvaŭ z metaj pryciahnieńnia inviestycyj i praduhledžvajecca stvareńnie roŭnych umoŭ pry akazańni dziaržaŭnaj padtrymki.
Dakumientam budzie stvorana pravavaja narmatyŭnaja baza dla arhanizacyi kałhasami novych subjektaŭ haspadarańnia dla «vyvadu ich na bolš vysoki ŭzrovień haspadarańnia».