JERA
Prezydent Rasiei Ŭładzimier Pucin 21 sakavika padpisaŭ ukaz ab utvareńni Krymskaj federalnaj akruhi.
Ad hetaj daty rasiejski bok ličyć, što samaabvieščanaja Respublika Krym i horad Sevastopal pryniatyja ŭ skład Rasiei.
Paŭnamocnym pradstaŭnikom Kramla ŭ novaj akruzie pryznačany kiraŭnik vajskovaha chołdynhu «Słavianka» Aleh Biełaviencaŭ.
Vice-admirał Biełaviencaŭ apošni hod zajmaŭ pasadu hiendyrektara AAT «Słavianka», padkantrolnaha Ministerstvu abarony Rasiei.
Pavodle rasiejskich ŚMI, Biełaviencaŭ uvachodzić u atačeńnie ministra abarony Siarhieja Šajhu.
Kali Šajhu byŭ kiraŭnikom Maskoŭskaj vobłaści, jon uznačalvaŭ kiraŭnictva spravami hubernatara i abłasnoha ŭradu.
Pucin padpisaŭ pahadnieńnie z samaabvieščanymi ŭładami Krymu ab dałučeńni da Rasiei na asnovie nielehitymnaha referendumu.
EZ, ZŠA i šerah inšych upłyvovych krain śvietu ŭviali ekanamičnyja i palityčnyja sankcyi suprać Kramla za aneksiju Krymu.
