U stalicy treciaja dekada sakavika čakajecca anamalna ciopłaj i suchoj. Prahnazujecca, što siaredniaja tempieratura budzie na 7-8 hradusaŭ vyšej za normu. Taki tempieraturny fon bolš charakterny dla treciaj dekady krasavika.
Pra heta paviedamlaje hałoŭny sinoptyk Respublikanskaha hidramieteacentra Ludmiła Paraščuk.
Hetaj nočču ŭ Minsku +6… +8°S, zaŭtra dniom +15… +17°S i bieź istotnych apadkaŭ. U niadzielu, 23 sakavika, nočču +6… +8°S, dniom +16… +18°S, mahčymy karotkačasovy doždž. U paniadziełak, 24 sakavika, nočču +6… +8°S, dniom +14… +16°S, prahnazujecca karotkačasovy doždž, mahčymaja navalnica.
U aŭtorak, 25 sakavika, viecier źmienicca na paŭnočny, stanie krychu chaładniej: nočču +4… +6° S, dniom +12… +14°S, apadki małavierahodnyja.
U dalejšym čakajecca stvareńnie antycykłonu nad Ćviarskoj i Naŭharodskaj abłaściami Rasii. Jaho ŭpłyŭ raspaŭsiudzicca i na naš staličny rehijon. Padźmie ŭschodni ŭmierany viecier. Nočču +4… +6°S, dniom +10… +12°S.
Darečy, druhaja dekada sakavika, jakaja ŭžo sychodzić, taksama vydałasia vielmi ciopłaj. Siaredniaja tempieratura skłała 3,7°S, što na 6 hradusaŭ vyšej za normu. Apadkaŭ vypała 19 mm (pry normie 14 mm).
«Takoje ciapło ŭ druhoj dekadzie sakavika ŭ Minsku byvaje raz u 10—15 hadoŭ», — adznačyła sinoptyk.
Nahadajem, 23 sakavika adznačajecca Suśvietny mietearałahičny dzień. U hetym hodzie jon prachodzić pad devizam «Nadvorje i klimat: dałučeńnie moładzi».