Amierykanskija płaciežnyja sistemy Visa i MasterCard, jakija spynili supracoŭničać z šeraham rasijskich bankaŭ, mohuć stracić prava na dziejnaść u Rasii.
Staršynia kamiteta Dziarždumy Rasii pa finansavym rynku Natalla Burykina zajaviła, što ich mohuć zamianić nacyjanalnyja płaciežnyja sistemy.
Pra heta piša rasijskaje vydańnie «Iźviestija».
«My budziem trymać hetaje pytańnie na kantroli. Niezrazumieła, na jakoj padstavie sankcyi zakranuli bank «Rasija». Kali situacyja nie źmienicca, nie vyklučana, što Rasieja ŭ vyniku admovicca ad pasłuh Visa i MasterSard i piarojdzie na ajčynnyja płaciežnyja sistemy. Tady nieabchodna budzie ŭnosić źmieny ŭ rasijskaje zakanadaŭstva, heta značyć u zakon «Ab nacyjanalnaj płaciežnaj sistemie», — zajaviła Burykina.
