«Za družbu i ŭzajemavyhadnaje supracoŭnictva z Rasijaj, Biełarusijaj (tak u aryhinale) i inšymi brackimi narodami byłoha SSSR, jakija ciapier va ŭsioj paŭnacie ŭvasablajucca ŭ Mytnym sajuzie», zaklikaŭ zmahacca ukraincaŭ lider krymskich sieparatystaŭ (aficyjna — staršynia ŭrada Respubliki Krym) Siarhiej Aksionaŭ.

«Nie mahu maŭčać u momant, kali samazvanyja ŭłady ŭ Kijevie krok za krokam padvodziać narod Ukrainy da kraju prorvy, — piša Aksionaŭ ŭ zvarocie, raźmieščanym u socsietkach 22 sakavika. — Učora Arsienij Jacaniuk padpisaŭ palityčnuju častku damovy ab asacyjacyi ź Jeŭrapiejskim Sajuzam. I chaj vas nie ŭvodzić u zman toj fakt, što padpisańnie ekanamičnaj častki pahadnieńnia adkładziena na cełych 7 miesiacaŭ — jano abaviazkova budzie padpisana, kali, viadoma, vy dazvolicie jaje padpisać. Vas čakajuć nieapraŭdana vysokija padatki i pavyšeńnie koštaŭ. Inflacyja i rost biespracoŭja, pavieličeńnie piensijnaha ŭzrostu vyšej miežaŭ siaredniaj praciahłaści žyćcia».

«Usia pramysłovaść i sielskaja haspadarka nie tolki paŭdniova — uschodu, ale i inšych rehijonaŭ Ukrainy, buduć razburany i źniščany ŭ ličanyja miesiacy paśla poŭnaha ŭstupleńnia ŭ siłu tak zvanaj «asacyjacyi». Miljony ludziej apynucca biez srodkaŭ da isnavańnia i atrymajuć adzinaje prava vybaru — albo pamierci, albo stać zmušanymi mihrantami — hastarbajterami.

I ŭsio heta dziela taho, kab damarosłyja ŭkrainskija aliharchi zdoleli i dalej bieśpieraškodna i z kamfortam karystacca usimi pładami razhrableńnia ułasnaha naroda. I kab kupka palitykaŭ-nacystaŭ zmahła atrymać jarłyk na kniažańnie i ŭvasobić u žyćcio svaje ludajedskija idei ab «čyścini ŭkrainskaj nacyi» i asimilacyi «niekarennych narodaŭ», — pałochaje Aksionaŭ.

«Nichto z nas nie moža zastacca abyjakavym da taho žachu, jaki vas čakaje, — zajaŭlaje jon. — Nie mahu zastavacca ŭ baku i ja! Značnuju častku svajho śviadomaha žyćcia ja pravioŭ na Ukrainie, lublu jaje narod i žadaju ŭsim vam tolki ščaścia i dabrabytu. Na žal, u toj budučyni, jakaja vam užo padrychtavana kijeŭskaj chuntaj, jany niemahčymyja».

Aksionaŭ zaklikaŭ ukraincaŭ da baraćby i supracivu vybaru, jaki zrobleny za ich «kupkaj palityčnych avanturystaŭ, što finansujucca aliharchami-kampradorami».

«Zaklikaju ŭstać na abaronu ŭłasnaj svabody, pravoŭ i intaresaŭ, zabieśpiačeńnie jakich, ja hłyboka pierakanany, lažyć u ciesnym sajuzie z Rasijskaj Fiederacyjaj — sajuzie palityčnym, ekanamičnym, kulturnym…

Pradažnyja kijeŭskija srodki masavaj infarmacyi abvinavačvajuć Rasieju ŭ anieksii Krymu. Bolšaj łuchty ja nie čuŭ za ŭsio svajo žyćcio. Rasija adhuknułasia na naš ščyry zaklik, vykonvajučy abaviazak pierad suajčyńnikami, adzinakroŭnymi bratami. I zaraz my adčuvajem jaje mahutnuju padtrymku kožnuju chvilinu.

Ja mahu tolki pažadać vam, šmatkroć zdradžanym i pradadzienym uładami Ukrainy, kab vy kali-niebudź zmahli adčuć takija ž luboŭ i kłopat. My, krymčanie, vielmi doŭha čakali i spadziavalisia na jaje, ale ciapier, śmieju zapeŭnić, u svaich čakańniach nie pamylilisia. Upeŭnieny, što hetak ža pa-bratersku adhukniecca jana na ščyry zaklik ab dapamozie i z boku inšych rehijonaŭ Ukrainy», — piša Aksionaŭ, ordar na aryšt jakoha Hienieralnaja prakuratura Ukrainy vypisała ŭ pačatku sakavika.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?