Pietycyja suprać rospusku hurtu «Lapis Trubiackoj» sabrała bolš za 1000 podpisaŭ.
Pietycyja na Change.org zaklikaje muzykaŭ hurtu «Lapis Trubiacki» pierahledzieć rašeńnie ab samarospusku i praciahvać śpiavać dziela «lepšaj budučyni našych krain».
Aŭtaram pietycyi paznačanyja «Hramadzianie ŭsiaho śvietu».
U joj havorycca:
«Prosim lidara i ŭvieś skład «Lapisaŭ» pierahladzieć rašeńnie pra samarospusk i praciahnuć karjeru ŭ honar dalejšaha raźvićcia i jakasnaj muzyki i zachavańnia nadziei na lepšuju budučyniu našych krain».
Kolkaść podpisaŭ uvieś čas raście, chacia aŭtary vyrašyli, što dla nakiravańnia Siarhieju Michałku budzie dastatkova 100 padpisantaŭ.
Paviedamleńnie pra kaniec tvorčaj dziejnaści hurtu «ŁT» źjaviłasia 17 sakavika.
Apošnim časam kancerty «Lapisaŭ» pačali zabaraniać nie tolki ŭ Biełarusi, ale i ŭ Rasii.
«Lapisy» vyłučajucca aktyŭnaj hramadskaj pazicyjaj. Salist hurtu Siarhiej Michałok u intervju rezka krytykavaŭ biełaruskuju aŭtakratyju, a ŭ pieśniach «Freedom Belarus», «Hraj», «Nie być skotam» słaviŭ svabodu. Na kancerty Lapisaŭ u Vilni, Smalensku, Kijevie, Pieciarburhu źjazdžalisia tysiačy biełarusaŭ.
