Ukrainskija vajskoŭcy abviarhajuć infarmacyju ab vyzvaleńni kamandzira vajskovaj častki ŭ Bielbieku Julija Mamčura.
«U internecie prajšła infarmacyja, što niejki major Valeryj Pikaviec zajaviŭ ab vyzvaleńni pałkoŭnika Mamčura. Na dadzieny čas, 23 sakavika 15:20 [16:20 pa Minsku], kamandzir nie vyjšaŭ na suviaź ni sa svajoj žonkaj, ni sa svaimi aficerami. U šatatie v/č A-4515 niama majora z proźviščam Pikaviec. Chto heta taki — nieviadoma», — paviedamlajecca na sajcie vajskovaj častki A-4515.
Adznačajecca, što telefon Mamčura pa-raniejšamu adklučany.
Nahadajem, što ŭčora padčas šturmu vajskovaj častki ŭ Bielbieku kamandzir Julij Mamčur byŭ zatrymany rasijskimi vajskoŭcami i vyviezieny ŭ vajskovuju turmu ŭ Sievastopali.
Uviečary aeradrom Bielbieka byŭ zachopleny rasiejskimi vajskoŭcami, ciapier usia terytoryja bazy i aeradrom znachodzicca pad kantrolem rasiejskaha śpiecnazu.
