Siońnia, 23 sakavika, tureckaja supraćpavietranaja abarona adkryła ahoń pa siryjskim vajennym samalocie, jaki bambiŭ pazicyi miaciežnikaŭ. Tyja sprabavali ŭziać pad svoj kantrol pahranzastavu u pravincyi Łatakija na paŭnočnym zachadzie Siryi.

«Samalot zahareŭsia i ŭpaŭ na siryjskaj terytoryi», — paviedamiła siryjskaja arhanizacyja pa nazirańni za pravami čałavieka, jakaja bazirujecca ŭ Łondanie.

Premjer-ministr Turcyi Redžep Erdahan pavinšavaŭ VPS Turcyi z vykanańniem bajavoj zadačy, paviedamiŭšy inšyja padrabiaznaści:

«Siryjski samalot parušyŭ našu pavietranuju prastoru. Našy źniščalniki F-16 padnialisia ŭ pavietra pa tryvozie i źbili hety samalot. Čamu? Kali parušaješ našu pavietranuju prastoru, naš zvarotny ŭdar budzie žorstkim».

Siryja, u svaju čarhu, abvinavaciła Turcyju ŭ «nieprychavanaj ahresii», zajaviŭšy, što źbity samalot znachodziŭsia ŭ siryjskaj pavietranaj prastory.

Pavodle papiarednich dadzienych, piłot zdoleŭ katapultavacca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?