Na festyvali buduć pradstaŭlenyja samyja cikavyja biełaruskija kamandy i vykanaŭcy, jakija pracujuć u płyni akustyčnaj muzyki. U pieršy tydzień prodažu možna nabyć kvitki pa minimalnym košcie.
Da zasnavańnia festyvalu «Travień» spryčynilisia internet-partał Tuzin.fm, hramadzka-kulturnaja kampanija «Budźma biełarusami!» i tvorčaja kamanda pab-klubu «Hrafici», jakija razam užo pravodzili seryju kancertaŭ «Tuzin.Unplugged/Žyvy Tuzin», a taksama festyval «Piknik.by-2012».
«My vyrašyli, što hety kancertny sezon treba skončyć asablivym kancertam, a jašče lepiej festyvalem, kab sabrać razam ulubionych muzykaŭ-sonhrajteraŭ, najlepšych pradstaŭnikoŭ bard-roku, hurty, jakija z dapamohaj tolki akustyčnych instrumentaŭ dasiahajuć nievierahodnaha hučańnia. Tak i sfarmavaŭsia łajn-ap pieršaha biełaruskaha akustyčnaha festu», - kaža hałoŭny redaktar Tuzin.fm Siarhiej Budkin. «Naš klub zaŭsiody byŭ dobraj placoŭkaj dla akustyčnych vystupaŭ. Ale kali kožny z vystupoŭcaŭ pačynaje źbirać anšlah, sumiaścić u adnym kancercie chacia b dvuch stanovicca składana. Tamu my vyrašyli, što pryśpieŭ čas pravieści festyval z udziełam samych cikavych akustyčnych hurtoŭ na bolšaj placoŭcy», - dadaje art-dyrektar «Hrafici» Andrej Łazuk.
Takim čynam, «Travień» projdzie na scenie kluba «Mulen Ruž» 18 traŭnia. Jaho ŭdzielniki buduć pradstaŭlacca pastupova z 1 krasavika na sajtach Tuzin.fm, Budzma.by i Graffiti.by. Miž tym, dla tych, kamu da spadoby ideja arhanizataraŭ festu, užo mohuć nabyć kvitki na tancplac. Da abviaščeńnia ŭdzielnikaŭ košt uvachodu budzie samym minimalnym – 70 000 rub. (biez kamisii, tolki praz pab-klub «Hrafici»). Ad krasavika kvitki buduć kaštavać daražeć.
Infalinija festu «Travień»: 6384444 (mts, velcom, life)
Loha festu: studyja dyzajnu «Adliha»
