Pieramieny ŭ Biełarusi nastanuć, budzie ŭ heta ŭciahnuta dziejnaja ŭłada ci nie, zajaviŭ na pres-kanfierencyi 2 kastryčnika ŭ Minsku lidar hramadzianskaj kampanii «Havary praŭdu» Uładzimir Niaklajeŭ.

Sustreču z žurnalistami inicyjatary kampanii «Narodny refierendum», siarod jakich «Havary praŭdu», Partyja BNF, ruch «Za Svabodu» i Biełaruskaja sacyjał-demakratyčnaja partyja (Hramada), praviali pierad pieradačaj u parłamient 50 tys. podpisaŭ hramadzian pad zvarotam z prapanovaj pravieści ahulnarespublikanski refierendum pa šaści sacyjalna-ekanamičnych i palityčnych pytańniach, vypracavanych u chodzie kampanii.

«Niadobrazyčliŭcy nazyvali «Narodny refierendum» palityčnaj hulnioj, jakaja nie daść nijakaha stanoŭčaha efiektu, — skazaŭ Niaklajeŭ. — Jak vy pamiatajecie, u 2010 hodzie biełaruskaja apazicyja prapanoŭvała Płošču, biełaruski Majdan. Samo hramadstva było nastrojena kali nie radykalna, to, sama mieniej, badziora. Kali b na Płošču vyjšaŭ miljon hramadzian, to była b revalucyja, inšaja ŭłada, Statkievič i inšyja nie siadzieli b u turmach».

Na fonie padziej va Ukrainie siońniašni nastroj hramadstva možna apisać frazaj «tolki b nie było vajny», adznačyŭ palityk. «Što prapanoŭvać hramadstvu z takim nastrojem? Znoŭ revalucyju, Płošču? Nie», — padkreśliŭ jon.

U hetych umovach častka demakratyčnych sił vyrašyła inicyjavać kampaniju «Narodny refierendum», jaki, pavodle słoŭ Niaklajeva, niasie «mirny miesiedž». «Nie prajšło i dvuch hadoŭ, jak «Narodny refierendum», pavodle źviestak NISEPD, padtrymlivaje amal pałova hramadzian Biełarusi», — skazaŭ lidar «Havary praŭdu».

Piaćdziasiat tysiač hramadzian, jakija vykazalisia za praviadzieńnie refierendumu, źjaŭlajucca «novymi prychilnikami» pieramien u Biełarusi. Prykładna pałova ź ich ličyć, što «pieramieny mahčymyja i pry siońniašniaj uładzie», druhaja pałova ŭpeŭniena, što heta adbudziecca tolki paśla jaje źmieny, adznačyŭ Niaklajeŭ.

Praca nad hetaj kampanijaj karpatlivaja i «nie takaja zaŭvažnaja, jak vykrykvańnie łozunhaŭ na mitynhach», ale heta — šlach da pieramien, pierakanany palityk, i zadača demakratyčnych sił zaklučajecca ŭ tym, kab «paskoryć hety praces». «U vyniku Biełaruś pryjdzie da svabody, demakratyi, sapraŭdnaj niezaležnaści i jeŭrapiejskaści», — ličyć Niaklajeŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?