Adzin ź niešmatlikich biełaruskamoŭnych festaŭ krainy adznačaje svoj pieršy jubilej.

Men'sFest spraŭlaje sioleta 5-hodździe. Hety fest pradstaŭlaje novuju biełaruskuju muzyku va ŭsioj roznastajnaści žanraŭ, tamu ŭ adzin viečar na adnu scenu ŭ jaho miežach mohuć vyjści, jak metalisty, tak i pop-rokiery. Sioleta skład mierapryjemstva nadzvyčaj mocny: zajaŭleny Re1ikt, Nizkiz, Navi, «Nahual», Jungle X-mas dy «Krambambula». «Sens našaha festu — nie spyniacca na adnym farmacie. Typu: rok i ŭsio — basta, astatnim chodu niama. Tym i tłumačycca taki roznastajny łajn-ap, jaki my štohod abnaŭlajem całkam», — kaža arhanizatar Men's Fest Źmicier Nazaraŭ. Pavodle jaho zadumy, kožny fest mieŭsia supravadžacca konkursam maładych hurtoŭ, ale ź ciaham času ad hetaj idei vyrašana było admovicca — praz zavialikija vydatki dy adsutnaść matyvacyi z boku patencyjnych udzielnikaŭ: «Sutyknulisia z tym, što našy maładyja hurty, jakija choć adnojčy vystupili ŭ Re:Public, užo nia chočuć udzielničać u konkursach», — raspaviadaje Nazaraŭ.

Vystup hurta «Krambambula» ŭ miežach Men's Fest byŭ uzhodnieny ź Bieraściejskim abłvykankamam «biaz nervaŭ», kažuć arhanizatary. Choć i daviałosia pakazvać teksty piesień dziela atrymańnia hastrolki.

Men's Fest projdzie 18 kastryčnika ŭ klubie «Sfera». Kvitki na viečar buduć kaštavać ad 100 000 da 150 000 rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?