fota Siarhieja Zinina
Ciopłaje nadvorje vierniecca ŭ Biełaruś u druhoj pałovie hetaha tydnia, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Umovy nadvorja na terytoryi krainy na praciahu pieršaj pałovy tydnia ŭsio jašče budzie vyznačać pieryfieryja chałodnaha antycykłonu. Adnak z čaćviarha situacyja ŭ atmaśfiery pačnie mianiacca.
U aŭtorak, 7 kastryčnika, tempieratura pavietra ŭnačy składzie plus 1—7 hradusaŭ, va ŭschodnich rajonach čakajucca zamarazki ad nula da -4 hradusaŭ. Dniom pavietra prahrejecca da 10—16 hradusaŭ ciapła.
U sieradu čakajecca pieravažna biez apadkaŭ. Nočču i ranicaj miescami — tuman. Tempieratura pavietra ŭnačy składzie plus 1—8 hradusaŭ, dniom budzie 10—17 hradusaŭ ciapła.
«Z čaćviarha ŭ atmaśfiery adbudziecca pierazahruzka, i na terytoryju krainy pačnie pastupać ciopłaje pavietra z akvatoryi Mižziemnaha mora, — adznačyŭ Dźmitryj Rabaŭ. — Paciapleje jak unačy, tak i dniom. Siaredniaja tempieratura pavietra na 4—7 hradusaŭ pieravysić klimatyčnuju normu, charakternuju dla hetych dataŭ kastryčnika».
U čaćvier, 9 kastryčnika, tempieratura pavietra ŭnačy składzie plus 2—8 hradusaŭ, pa zachadzie budzie da 10 ciapła. Dniom prahnazujecca plus 12—18 hradusaŭ, pa paŭdniovym zachadzie - da 20 hradusaŭ vyšej za nul.
U nastupnyja dni budzie jašče ciaplej.
Ź piatnicy pa niadzielu ŭ načnyja hadziny čakajecca plus 5—12 hradusaŭ, dniom — ad 13 da 20 hradusaŭ ciapła, u zachodnich rajonach miescami pavietra prahrejecca da plus 22 hradusaŭ. Prahnazujecca pieravažna biez apadkaŭ, tolki ŭ paŭnočnych rajonach projduć karotkačasovyja daždžy. Nočču i ranicaj miescami čakajecca tuman.
