Kino pa-biełarusku prychodzić u rehijony! Zaprašajem na pakaz u Baranavičach 10 kastryčnika (piatnica), i ŭ Bieraści 11 kastryčnika (subota).
Budziem hladzieć załatuju kłasiku suśvietnaha kino: filma «12 raźjušanych mužčyn». Uvachod volny!
«12 raźjušanych mužčyn» — kłasika suśvietnaha kiniematohrafa. Hety režysiorski debiut Sidni Lumeta pa pravu ličycca adnoj ź lepšych karcin stahodździa, maje najvyšejšyja rejtynhi i abaviazkovy dla vyvučeńnia ŭ kinaakademijach usiaho śvietu. Zajmaje 2-je miesca ŭ śpisie lepšych sudovych dram pa viersii AFI (Amierykanski Instytut Kinamastactva)
12 prysiažnych pavinny vyrašyć, ci zabivaŭ padsudny — padletak z truščobaŭ — svajho baćku. Kali jaho vinavataść pryznajuć, chłopca čakaje elektryčnaje kresła, kali nie — vyzvaleńnie. Zhodna zakonu rašeńnie musić być pryniata adzinahałosna. Sprava zdajecca vidavočnaj, 11 čałaviek hałasujuć «za» vinavataść i tolki adzin vykazvaje sumnieŭ i prapanuje abmierkavać usio jašče raz…
Režysior: Sidni Lumet
U rolach: Hienry Fonda, Li Džej Kob, Marcin Bołsam, Džek Uorden i inš.
Na biełaruskuju movu ahučvali: Pavał Charłančuk, Aleś Małčanaŭ, Uładzimier Hłotaŭ, Siarhiej Žbankoŭ, Źmicier Račkoŭski.
Dzie i kali:
U Baranavičach: 10 kastryčnika, vulica Paŭłava, dom 12, pačatak a 20.00.
U Bieraści: pakaz adbudziecca 11 kastryčnika, u subotu paśla zaniatkaŭ kursaŭ Mova Nanova, pryśviečanych temie «Kino». Zaniatki pačynajucca a 17:00, kino pačniem pakazvać kala 18:00
Adras: vulica Lenina, 50, budynak kaviarni Le Phare. Nižniaja zała (adrazu la ŭvachodu jość leśvica, pa jakoj treba spuścicca ŭniz).
