Kapitan zbornaj Biełarusi pa futbole, futbalist rasijskaha kłuba «Rastoŭ» Cimafiej Kałačoŭ padzialiŭsia svaim mierkavańniem ab pierfomansach zaŭziataraŭ padčas matča Biełaruś – Ukraina.

Cimafiej Kałačoŭ: Ja liču, što pavodziny zaŭziataraŭ byli niapravilnyja. Heta byli nie stolki zaŭziatary, kolki hrupa ludziej… Kryčać palityčnyja łozunhi, ja liču, było niapravilna. Što tyčycca našych zaŭziataraŭ, to kali vy pryjšli na futboł, to treba ž svaju kamandu hnać napierad. Moža być, u nas u kancoŭcy i atrymałasia b nie prajhrać. A vykrykvańni ŭ adras Rasii - heta sapraŭdy, ja liču, hłupstvy i niapravilnyja pavodziny. Nu i futboł - heta nie miesca, napeŭna, dla hetych rečaŭ.

A jak pavinna być, kab heta dadavała matyvacyi futbalistam?

Cimafiej Kałačoŭ: Ja nikoha nie źbirajusia navučać i padkazvać. Ale kali ŭ nas niama kultury zaŭzieńnia, to heta tak jość. Nu a što zrobiš? Raniej na «Dynama» zaŭziatary pastajanna hnali nas napierad. Źjaŭlalisia dadatkovyja siły. Nu a kali stadyjon hladzić futboł, jak u teatry… Raz na stadyjon pryjšli, treba zaŭzieć, niejkija emocyi vyploskvać, hnać svaju kamandu, pieražyvać. Tak, napeŭna, skažu.

Paśla matča fanataŭ zatrymlivali. Aficyjna - za znachodžańnie ŭ hramadskim miescy ŭ niećviarozym stanie. Pavodle viersii ukrainskich zaŭziataraŭ - za bieł-čyrvona-bieły ściah na majkach. Situacyja takaja, što my majem u Biełarusi dziaržaŭny ściah i histaryčny. I isnuje tendencyja, što mnohija zaŭziatary lubiać bieł-čyrvonyja kolery. Milicyi heta nie padabajecca. Jak ličycie, zatrymańni fanataŭ nanosiać straty futbołu ci milicyja robić pravilna?

Cimafiej Kałačoŭ: Pavodziny zaŭziataraŭ časam nanosiać škodu ŭ pryvatnaści kłubam. Naprykład, zaŭziatary CSKA narabili spravaŭ i zaraz kłub z-za hetaha atrymaŭ straty. Kaniešnie, zatrymlivać kahości taksama niapravilna. Ale kali ludzi zajmajucca nie zaŭzieńniem a vykrykvajuć palityčnyja łozunhi… Napeŭna, ich taksama zatrymlivajuć nie prosta tak. Choć u nas kraina taksama takaja, što za ŭsialakija pravinnaści možna paciarpieć. Heta pakazčyk taho što pavodzić siabie treba aściarožna.

Nahadajem, što 9 kastryčnika na «Barysaŭ-Arenie» zbornaja Biełarusi prajhrała ukraincam ź likam 0:2. Biełaruskija i ukrainskija zaŭziatary amal usiu hulniu razam śpiavali pieśni i vykazvali svajo staŭleńnie da prezidenta Rasijskaj Fiederacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?